ბულვარში, ნავსადგურის მიმდებარე ტერიტორიაზე ინფრასტრუქტურული სამუშაოები მიმდინარეობს.
აჭარის მთავრობის ინფორმაციით, აღნიშნული ტერიტორია დასუფთავდა, მწვანე საფარი გაიწმინდა უსახური ჯიხურებისა და მცურავი სატრანსპორტო საშუალებებისგან, „რომლებიც აღნიშნულ ადგილას ნებართვის გარეშე იყო განთავსებული“.
ამავე ინფორმაციით, ნავსადგურის მიმდებარე ტერიტორიაზე, სხვადასხვა სახეობის დეკორატიული ნარგავებით გამწვანების, კორდის დაგების, ბორდიურების, ველო და სასეირნო ბილიკების, სანიაღვრე სისტემების კეთილმოწყობის სამუშაოები მიმდინარეობს.
ოფიციალური ინფორმაციით, სამუშაოები მოკლე ვადებში უნდა დასრულდეს.
