დღეს, 17 ოქტომბერს, სასტუმრო „ჰილტონში“ ინკლუზიური ტურიზმის ცენტრის „პარსას“ ორგანიზებით, მეოთხე საერთაშორისო კონფერენცია მიმდინარეობს.
კონფერენციის თემაა, – ინკლუზიური ტურიზმი, ეკონომიკური განვითარებისა და სოციალური პასუხისმგებლობისათვის. კონფერენციის მიზანია საერთაშორისო გამოცდილების გაზიარება ინკლუზიურ ტურიზმსა და ადაპტირებული გარემოს უნივერსალური დიზაინის სტანდარტებზე.
ინკლუზიური ტურიზმის ცენტრის „პარსას“ ეკონომისტის ხატია ჭონკაძის განმარტებით, ინკლუზიურ ტურიზმსა და უნივერსალური დიზაინის საერთაშორისო სტანდარტების შესაბამის ადაპტირებულ გარემოს, მნიშვნელოვანი წვლილი შეაქვს სახელმწიფოს ეკონომიკურ განვითარებაში, რაც უზრუნველყოფს მოქალაქეთა სრულფასოვან ჩართულობას ქვეყნის სოციალურ – ეკონომიკურ და კულტურულ ცხოვრებაში.
სასტუმრო „ჰილტონში“ მეოთზე საერთაშორისო კონფერენცია მიმდინარეობს თემაზე – ინკლუზიური ტურიზმი, ეკონომიკური განვითარებისა და სოციალური პასუხისმგებლობისათვის.
„ ინკლუზიური ტურიზმი შეზღუდული შესაძლებლობის მქონე პირთა უფლებებისა და დამოუკიდებელი ცხოვრების მნიშვნელოვანი შემადგენელი ნაწილია. ჩემთვის, როგორც ფინანსისტისთვის მნიშვნელოვანია ეს კონფერენცია, რადგან ამ კონფერენციაში გაჟღერებული ინკლუზიური ტურიზმის განვითარება არის პირდაპირ კავშირში ეკონომიკასთან, ვინაიდან ინკლუზიური ტურიზმის განვითარება არის ფინანსურად მზარდი და მოაქვს მაღალი შემოსავალი. მაგალითად, მსოფლიოს ბევრ ქვეყანაში, მათ შორის 2014 წელს იაპონიაში ტურისტულ სექტორში 40% – ით გაიზარდა შემოსავლები და ეს მოდის ინკლუზიურ ტურიზმზე. ასევე, ამერიკაში ყოველი 54 მილიონიდან 11 მილიონი ზრდა, მოდის ინკლუზიურ ტურიზმზე, აქედან გამომდინარე, ჩვენი ქვეყნისთვისაც მნიშვნელოვანია ინკლუზიური ტურიზმის განვითარება,“ – გვეუბნება ხატია ჭონკაძე.
მისივე ინფორმაციით, ინკლუზიურ ცენტრ „პარსას“ აქვს ასეთი სერვისი, რომელიც ეხმარება ორგანიზაციებს რომ შექმნან ხელმისაწვდომი გარემო შშმ პირებისთვის.
