Batumelebi | არმაზ ახვლედიანი: 69-ე ოლქში დარღვევები გამოვლინდა არმაზ ახვლედიანი: 69-ე ოლქში დარღვევები გამოვლინდა – Batumelebi
RU | GE  

არმაზ ახვლედიანი: 69-ე ოლქში დარღვევები გამოვლინდა

69-ე საარჩევნო ოლქის დამოუკიდებელი დეპუტატობის კანდიდატის პარლამენტში, არმაზ ახვლედიანის განცხადებით, უბნებზე  შემდეგი დარღვევები  დაფიქსირდა: ერთ-ერთ უბანზე აკლია ერთი ბიულეტენი, დაფიქსირდა ორი მარკირებული ამომრჩეველი შესვლა უბანზე, არასწორი წილისყრის ფაქტი და კარუსელის მცდელობა.

„ჩვენ გვაქვს აღნუსხული დარღვევის არაერთი ფაქტი, ბათუმი 69-ე ოლქში, დაიწერა საჩივრები. კარუსელის არაერთი მცდელობა არის აღკვეთილი. უბნებში  კომისიის წევრები ცდილობენ დაიჭირონ ცალკეული სუბიექტის მხარე, ადგილი აქვს ისეთი ადამიანების მიყვანას ამ უბნებზე, რომლებიც პირდაპირ ახდენენ გავლენას ვგულისხმობ ძალოვანი უწყების წარმომადგენლებს და საკმარისად საეჭვო კატეგორიის ადამიანებს,  ეგრეთ წოდებულებს – „კუნთებით“. მინდა გავაფრთხილო ხელისუფლება რომ ეს დაძველებულია ხერხია, ვეღარ გაჭრის, აღარ იმუშავებს.

არმაზ ახვლედიანის განცხადებით, ძალოვანები აშკარად ცდებიან თავიანთ მანდატს და „ყველაფერს აკეთებენ იმისთვის, რომ ბევრმა იფიქროს რომ თუ არ დაუჭერს „ოცნებას“ მხარს, მისი საქმე ცუდად წავა, რაც არ უნდა იმართლოს „ოცნებამ“ თავის, ეს არის არჩევნების უხეში დარღვევა“.

არმაზ  ახვლედიანის განცხადებით, „ქართული ოცნება“ არ არის იმისთვის მზად, რომ წაგებას შეეგუოს. „ან უნდა წავიდეს ტოტალურ გაყალბებაზე, ან უნდა შეეგუოს მარცხს. ამიტომ, ჩვენ უნდა ველოდოთ სიურპრიზს ბათუმში“.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com