საკონსტიტუციო სასამართლოს თავმჯდომარის არჩევა გაურკვეველი ვადით გადაიდო. მოსამართლეთა ნაწილმა დღევანდელ სხდომაზე თავმჯდომარის კანდიდატურაზე ჩამოსაყალიბებლად დრო ითხოვა. შესაბამისად, დღევანდელ შეხვედრაზე კანდიდატურები არ დასახელებულა.
საკონსტიტუციო სასამართლოს ახალ შემადგენლობას თავმჯდომარის კანდიდატურის დასასახელებლად ორკვირიანი ვადა აქვს, ასარჩევად – ერთი თვე.
საკონსტიტუციო სასამართლოს ახალ მოსამართლეებად ირინა იმერლიშვილი და გიორგი კვერენჩხილაძე საქართველოს პრეზიდენტმა შეარჩია, ხოლო თემურ ტუღუში – უზენაესმა სასამართლომ. კიდევ ერთი მოსამართლე ახალი მოწვევის პარლამენტმა უნდა შეარჩიოს.
30 სექტემბერს საკონსტიტუციო სასამართლოს 4 მოსამართლეს უფლებამოსილება შეუწყდა, მათ შორის, სასამართლოს თავმჯდომარე – გიორგი პაპუაშვილს.
