Batumelebi | თბილისისა და საარბრუკენის ვალდორფის სკოლების ორკესტრი ბათუმში დაუკრავს თბილისისა და საარბრუკენის ვალდორფის სკოლების ორკესტრი ბათუმში დაუკრავს – Batumelebi
RU | GE  

თბილისისა და საარბრუკენის ვალდორფის სკოლების ორკესტრი ბათუმში დაუკრავს

ხვალ,  7 ოქტომბერს, თბილისისა და საარბრუკენის ვალდორფის სკოლების გერთიანებული ორკესტრი 18:00 საათზე, ზაქარია  ფალიაშვილის სახელობის მუსიკალურ სკოლაში კონცერტს გამართავს.

პროგრამაში წარმოდგენილი იქნება დვორჟაკის სიმფონია N9, ვ. აზარაშვილის ნოქტიურნი, ტელემანის – კონცერტი ალტისა და კამერული ორკესტრისთვის, კინომუსიკა და ქართული, გერმანული და აფრიკული ფოლკლორი. ორკესტრის დირიჟორები არიან ჰუბერტ პეჰი და ირაკლი შერმაზანაშვილი.

ოფიციალური ინფორმაციით,  თბილისისა და საარბრიუკენის თავისუფალი ვალდორფის სკოლები 20 წელია მეგობრობენ. „გერმანელი და ქართველი ახალგაზრდები მონაცვლეობით მართავენ ერთობლივ კონცერტებს თბილისში, ბათუმსა და საარბრიუკენში. უკვე ტრადიციად ქცეული ვიზიტები დატვირთულია კულტურული და შემეცნებითი ღონისძიებებით. ამგვარი ურთიერთობა მნიშვნელოვანია ორივე ქვეყნის წარმომადგენლებისთვის.“

ღონისძიების მხარდამჭერია აჭარის  განათლების, კულტურისა და სპორტის სამინისტრო.


დასწრება თავისუფალია.

თბილისისა და საარბრუკენის ვალდორფის სკოლების გაერთიანებული ორკესტრი

თბილისისა და საარბრუკენის ვალდორფის სკოლების გაერთიანებული ორკესტრი

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com