ბათუმის მერიის გადაწყვეტილებით ანგისის ქუჩის I შესახვევში ავტომანქანების ცალმხრივი მოძრაობა დაწესდება – გრიგოლ ლორთქიფანიძის ქუჩიდან ანგისის ქუჩამდე
მონაკვეთში [ამავე მიმართულებით], გარდა სპეციალური დანიშნულების ავტომანქანებისა. შესაბამისი პროექტი დასამტკიცებლად ქალაქის საკრებულოშია გადაგზავნილი.
პროექტის დამტკიცების შემთხვევაში ანგისის ქუჩიდან ანგისის პირველ ჩიხში ავტოტრანსპორტის შესვლა აიკრძალება. ანგისის პირველ ჩიხში ტრანსპორტი იმოძრავებს ცალმხეივად ლორთქიფანიძის ქუჩიდან ანგისის ქუჩის კვეთამდე მონაკვეთში / პროექტს ბათუმის საკრებულო 19 ივნისს განიხილავს
„პროექტის მიღების მიზეზი და მიზანია ქალაქ ბათუმის მუნიციპალიტეტის ადმინისტრაციულ საზღვრებში უსაფრთხოების ნორმებიდან გამომდინარე და საცობის თავიდან აცილების მიზნით დაიგეგმოს ცალმხრივი მოძრაობა ავტოსატრანსპორტო საშუალებებისათვის ანგისის ქუჩის I შესახვევში ანგისის ქუჩის გადასახვევიდან გრიგოლ ლორთქიფანიძის ქუჩამდე მონაკვეთში.“ – წერია პროექტის განმარტებით ბარათში.
ბათუმში, ანგისის ქუჩის პირველ შესახვევში, ლორთქიფანიძის ქუჩიდან ანგისის ქუჩამდე მონაკვეთში, მოძრაობა ცალმხრივი გახდება / ფოტო დადგენილების პროექტიდან
„ბათუმის მუნიციპალიტეტის ტერიტორიაზე ადგილობრივი მნიშვნელობის საავტომობილო გზაზე – ანგისის ქუჩის I შესახვევში საგზაო მოძრაობის ორგანიზების შესახებ“ დადგენილების პროექტს ქალაქის საკრებულო 19 ივნისის სხდომაზე განიხილავს.
19 ივნისს ბათუმის საკრებულო კიდევ ერთ დადგენილების პროექტს განიხილავს, რომლის მიღების შემდეგ აღდგება ორმხრივი მოძრაობა ჭავჭავაძისა და გრიბოედოვის ქუჩებზე.
ამ თემაზე ვრცლად:
ბათუმში ჭავჭავაძის და გრიბოედოვის ქუჩებზე მოძრაობა ორმხრივი დარჩება – ცვლილება
