დღეს, 15 ივნისს, ბათუმის საქალაქო სასამართლომ დააკმაყოფილა პროკურატურის შუამდგომლობა და 4 ივნისს ხელვაჩაურში მოკლული ახალგაზრდა კაცის, ბესიკ ბოლქვაძის საქმეზე ბრალდებულებს წინასწარიპ პატიმრობა შეუფარდა.
გადაწყვეტილება მოსამართლე თამარ ბეჟანიშვილმა მიიღო.
ბრალდებულ გოგი ბარამიძეს პროკურატურა განზრახ მკვლელობაში ადანაშაულებს, მას ბრალი სისხლის სამართლის კოდექსის 108-ე მუხლით (განზრახ მკვლელობა), 236-ე მუხლის მესამე და მეოთხე ნაწილებით (ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა და ტარება) წარედგინა, რაც სასჯელის სახედ და ზომად 10-დან 15 წლამდე თავისუფლების აღკვეთას ითვალისწინებს.
მეორე ბრალდებულს, თამაზ შარაძეს კი პროკურატურა განსაკუთრებით მძიმე დანაშაულის შეუტყობინებლობას ედავება – სისხლის სამართლის კოდექსის 376-ე მუხლის მეორე ნაწილით, რაც ისჯება 3-დან 7 წლამდე პატიმრობით.
მკვლელობა ხელვაჩაურში 4 ივნისს, გამთენიისას მოხდა. 32 წლის ბესიკ [ბესო] ბოლქვაძე საკუთარ ავტომანქანაში ჩაცხრილეს.
მის მკვლელობაში ბრალდებულები პოლიციამ 14 ივნისს დააკავა.
_________________
ფოტო: „ბათუმელები“
