Batumelebi | ბურჭულაძის პარტიის დახეული საარჩევნო ბანერი და დაზიანებული ძეგლი ბურჭულაძის პარტიის დახეული საარჩევნო ბანერი და დაზიანებული ძეგლი – Batumelebi
RU | GE  

ბურჭულაძის პარტიის დახეული საარჩევნო ბანერი და დაზიანებული ძეგლი

28 სექტემბერს, გვიან ღამით, ბენზეს დასახლებაში, ბლოკ – “პაატა ბურჭულაძე სახელმწიფო ხალხისთვის“ ოფისი დააზიანეს.

ბათუმის 68-ე ოლქში ბლოკის მაჟორიტარობის კანდიდატის, ამირან ბერიძის განმარტებით, გვიან ღამით, დაახლოებით სამი საათის შემდეგ, უცნობმა პირებმა დააზიანეს ოფისი და საარჩევნო ბანერი.

ამირან ბერიძე ფაქტს პოლიტიკურ შეკვეთად აფასებს. „ ეს ფაქტი უკავშირდება პაატა ბურჭულაძის აჭარაში ჩამოსვლას და წარმატებულ შეხვედრებს მხარდამჭერებთან“, – ამბობს ის.

შსს- ს პრესსამსახურის ინფორმაციით, გამოძიება 187 – ე მუხლით მიმდინარეობს.

ბლოკის ოფისი თბილისის გზატკეცილზე, #11- შია განთავსებული.  შენობა კულტურული მემკვიდრეობის ძეგლია [ყოფილი რესტორანი მახინჯაურში] და მასზე პლაკატების განთავსება საკრებულოს დადგენილებით იკრძალება.

კულტურული მემკვიდრეობის სააგენტოს ხელმძღვანელის, მირანდა ჩარკვიანის თქმით, სააგენტო ამ ფაქტზე რაგირებას უახლოეს დღეებში მოახდენს.

ფოტო „ბათუმელებს“ საარჩევნო ბლოკის პრესსამსახურმა მიაწოდა.

ფოტო „ბათუმელებს“ საარჩევნო ბლოკის პრესსამსახურმა მიაწოდა.

14488877_1195074090565782_965164815_o

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე