ოკუპირებული აფხაზეთის დე ფაქტო პრეზიდენტმა ბადრა გუნბამ რუსულ პროპაგანდისტულ მედია „ტასსთან“ ინტერვიუში თქვა, რომ აფხაზეთი არ აპირებს საქართველოსთან რესპუბლიკის სტატუსის საკითხზე მოლაპარაკებების გამართვას. ამავდროულად მან აღნიშნა, რომ აფხაზეთი საქართველოსთან მშვიდობიან თანაარსებობას ცდილობს.
„საქართველო, რა თქმა უნდა, უნდა შეეგუოს იმ ფაქტს, რომ აფხაზეთმა აღადგინა დამოუკიდებლობა და ამ გაგებით ჩვენ არ გვაქვს არანაირი გეგმა ჩავატაროთ მოლაპარაკებები ჩვენი რესპუბლიკის სტატუსის საკითხთან დაკავშირებით. ჩვენ ამას უნდა შევეგუოთ.
ჩვენ გვინდა მეგობრულად ვიცხოვროთ ჩვენს ყველა მეზობელთან, მათ შორის საქართველოსთანაც. რა თქმა უნდა, ეს ძალიან რთული გზა იქნება, მაგრამ ეს ცნობიერება უნდა მოვიდეს. ჩვენ არ ვაპირებთ დასახული გზიდან გადახვევას“, – თქვა მან.
2025 წლის 12 მაისს გუნბამ რუსულ მედიასთან განაცხადა, რომ მხოლოდ იმ შემთხვევაში, თუ საქართველო აღიარებს რეალობას და ხელს მოაწერს ძალის გამოუყენებლობის შესახებ შეთანხმებას, შესაძლებელი იქნება სოხუმსა და თბილისს შორის დიალოგი.
ამავე თემაზე:
გუნბა რუსულ ძალებს აფხაზეთში „მშვიდობისა და სტაბილურობის გარანტს“ უწოდებს
