Batumelebi | უფასო ონლაინკურსები თვითგანვითარებისთვის უფასო ონლაინკურსები თვითგანვითარებისთვის – Batumelebi
RU | GE  

უფასო ონლაინკურსები თვითგანვითარებისთვის

დღეს, 22 სექტემბერს ბათუმის დემოკრატიული ჩართულობის ცენტრში, სამოქალაქო საზოგადოების ინსტიტუტმა [CSI] სტუდენტებთან და სამოქალაქო საზოგადოების წარმომადგენლებთან საინფორმაციო შეხვედრა გამართა პროგრამის – „ონლაინ კურსები თვითგანვითარებისათვის“   შესახებ.

პროგრამა 6 სალექციო კურსისგან შედგება: სოციალური კვლევის მეთოდები, საჯარო პოლიტიკის ანალიზი, ადვოკატირება და ლობირება, საჯარო ფინანსები, ეკონომიკის საფუძვლები და საზოგადოებასთან ურთიერთობა. პროგრამა არის დისტანციური და შესაბამისად ნებისმიერი ლექცია დიალოგი ან ტესტის შემოწმება ხდება ონლაინ რეჟიმში, პროგრამაში მონაწილეობა შეუძლიათ სამოქალაქო საზოგადოების წევრებს, სტუდენტებს და თვითმმართველობის წარმომადგენლებს.

ონლაინ სასწავლო პროგრამა 2014 წელს დაიწყო და ეს კურსები უკვე გაიარა 633-მა მსმენელმა.

CSI-ს წარმომადგენლის, თემო ჯალიაშვილის განმარტებით, სტუდენტს რომელიც წარმატებით გაივლის მინიმუმ სამ კურსს, ექნება შესაძლებლობა მიიღოს მონაწილეობა 6-თვიანი ფასიანი სტაჟირების პროგრამაში: „ჩვენ გვაქვს ასევე მცირე გრანტის პროგრამაც, რომელიც ითვალისწინებს 9 პროექტის დაფინანსებას, და თითოეულ პროექტისთვის გამოყოფილია გრანტის სახით „10 ათასი ევრო“.

განაცხადების მიღების ბოლო ვადა 26 სექტემბერია. აპლიკაციის შესავსებად ეწვიეთ ვებგვერდს: www.civilin.org.

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე