შსს-ს ინფორმაციით, აქტივისტებზე სახეში საღებავისა და წიწაკის სპრეის შესხმის ფაქტზე გამოძიება დაწყებულია სსკ-ის 126-ე მუხლით, რაც გულისხმობს ძალადობას.
5 მაისს, საღამოს, თბილისში, აქტივისტებს ნუცა მახარაძეს, სალომე სარიშვილსა და ქეთევან ჯანანაშვილს, ლიფტიდან გამოსვლისას სახეში მომწვანო-მოლურჯო ფერის საღებავი და წიწაკის სპრეი შეასხეს, ასევე, მიაყენეს სიტყვიერი შეურაცხყოფა.
როგორც ნუცა მახარაძე პირდაპირ ჩართვაში ამბობდა, პირი, რომელმაც მას საღებავი და წიწაკის სპრეი სახეში შეასხა, ნიღბით იყო, თუმცა ხმის მიხედვით, კაცი იყო.
აქტივისტის თქმით, საღებავის და სპრეის შესხმის შედეგად, საღებავმა გამოიწვია ალერგიული რეაქცია, რის შემდეგაც გამოიძახეს სასწრაფო და მოვიდა პოლიციაც.
