ბათუმის ბიუჯეტიდან 109 ათას 60 ლარის გადაუხდიან მომღერალ-შემსრულებლებს, რომლებსაც „ბათუმობა 2025“-ზე მოიწვევენ. დამატებით 113 ათას 975 ლარი კი ღონისძიების ორგანიზებაში დაიხარჯება.
„ბათუმობის“ ჩატარებას ბათუმის მერია 3-4 მაისს, ბულვარში, საზაფხულო თეატრთან გეგმავს.
ბათუმის კულტურის ცენტრი აღნიშნულ თანხას უტენდეროდ, პირდაპირი წესით დახარჯავს.
კონცერტში მონაწილეობას მიიღებენ:
ბათუმობა 2025“-ზე დაგეგმილი კონცერტის მონაწილეები / წყარო: შესყიდვების პორტალი
„ქალაქ ბათუმის კულტურის ცენტრს 2025 წლის 3 და 4 მაისს გათვალისწინებული აქვს ბათუმის ბულვარში, ღია ცის ქვეშ, სახალხო დღესასწაული ,,ბათუმობა 2025″-ის აღნიშვნა და დღესასწაულის ფარგლებში კონცერტის ორგანიზება.
ღონისძიებების სპეციფიკიდან გამომდინარე, დაგეგმილ აქტივობათა უმრავლესობა საავტორო ნამუშევრებს წარმოადგენს. ამასთან, ზემოაღნიშნული აქტივობების მიმდინარეობის პარალელურად, იკვეთება კვალიფიციურ შემსრულებლებთან თანამშრომლობის საკითხები, რაც თავის მხრივ, დროში შეზღუდვას იწვევს.
ღონისძიებების მაღალი საზოგადოებრივი მნიშვნელობის გათვალისწინებით და კვალიფიციურ შემსრულებლებთან თანამშრომლობის სპეციფიკიდან გამომდინარე, მიზანშეწონილია საჭირო მომსახურებების შესყიდვა გამარტივებული შესყიდვის საშუალებით. სხვა შემთხვევაში, შესყიდვები ვერ განხორციელდება“ – წერს ბათუმის კულტურის ცენტრი სახელმწიფო შესყიდვების სააგენტოს.
რაც შეეხება ღონისძიების ორგანიზების ხარჯებს – კულტურის ცენტრს ხელშეკრულებები ჯამში 113 ათას 975 ლარზე აქვს გაფორმებული. აქედან 87 500 ლარზე შპს „ბეტა პრინტთან“ და 26 475 ლარზე შპს „ჯითი ჰოლდინგთან“
„ბათუმობა 2025″ ორგანიზებაზე კულტურის ცენტრს ტენდერები ჰქონდა გამოცხადებული.
ფოტოზე: „ბათუმობა 2024“ – ბათუმის მერი არჩილ ჩიქოვანი და ნიკოლოზ წულუკიძე. ფოტო: ბათუმის მერია/facebook
ამავე თემაზე:
„ბათუმობის“ ჩატარებას მერია 3-4 მაისს გეგმავს – 108 ათასი ლარი ორგანიზებისთვის
