18 აპრილს, დილით, რუსეთმა უკრაინაში ქალაქ ხარკოვს „ისკანდერის“ 3 რაკეტებით დაარტყა. უკრაინის პროკურატურის ცნობით, რუსეთმა სულ მცირე ერთი რაკეტა ააფეთქა ჰაერში, რათა რაც შეიძლება მეტი ზიანი გამოეწვიათ.
„უკვე დადგენილია, რომ რაკეტა ჰაერში აფეთქდა იმ მიზნით, რომ დაზიანებულიყო რაც შეიძლება მეტი სამოქალაქო სამიზნე, ობიექტი“ – იუწყება ხარკოვის პროკურატურის წარმომადგენელი.
გამოძიების თანახმად, რუსებმა ხარკოვს დაარტყეს დილის 5:10 საათზე.
„დარტყმები დაფიქსირდა საცხოვრებელ უბანში, მრავალსართულიან კორპუსებს შორის. კიდევ ერთი რაკეტა მოხვდა სამოქალაქო საწარმოს, რამაც ხანძარი გამოიწვია”, – აცხადებენ ხარკოვის პროკურატურაში.
დაბომბვის დროს დაიღუპა 79 წლის კაცი, რომელიც საკუთარ ბინაში იმყოფებოდა. დაშავებულთა შორის არიან ბავშვები: 3, 4, 14 და 16 წლის ოთხი გოგონა, ასევე, 17 წლის ბიჭი.
დილის 11 საათისთვის ხარკოვზე შეტევის შედეგად დაშავებულთა რიცხვი 82-მდე გაიზარდა.
ასევე, დღეს, 18 აპრილს, გამთენიას, რუსეთმა „შაჰედებით“ დაარტყა ქალაქ სუმის სამოქალაქო ინფრასტრუქტურას. რუსული დრონი საკონდიტრო ქარხანას მოხვდა, სადაც სააღდგომო პასკებს აწარმოებდნენ. თავდასხმის შედეგად დაიღუპა სააღდგომო პროდუქციის საყიდლად სუმში ჩასული ბიზნესმენი. დაშავდა ერთი ადამიანი.
