უკრაინის შეიარაღებული ძალების მთავარსარდალმა, გენერალმა ალექსანდრე სირსკიმ დღეს, 17 აპრილს, განაცხადა, რომ ბოლო კვირების განმავლობაში უკრაინის თავდაცვის ძალებმა გაათავისუფლეს დაახლოებით 16 კვ. კილომეტრი პოკროვსკის მიმართულებაზე.
„მტერს არ შეუცვლია თავისი გეგმები – შეავიწროოს უკრაინის შეიარაღებული ძალების ქვედანაყოფები დონეცკისა და ლუგანსკის რეგიონებს მიღმა და ამ რეგიონების ადმინისტრაციულ საზღვრებამდე მიაღწიოს, თუმცა მტრის გეგმა განუხორციელებელი რჩება.
ჩვენ ვაგრძელებთ თავდაცვით ოპერაციას, ვატარებთ კონტრშეტევას და გვაქვს გარკვეული წარმატებები. ბოლო რამდენიმე კვირის განმავლობაში – უდაჩნოეს, კოტლინოსა და შევჩენკოს დასახლებების მიდამოებში დაახლოებით 16 კვადრატული კილომეტრი ტერიტორია გათავისუფლდა.
მადლობა უკრაინელ ჯარისკაცებს გამბედაობის, გამძლეობისა და პროფესიონალიზმისთვის“ – აცხადებს სირსკი.
მისივე თქმით, პოკროვსკის მიმართულებით უკრაინელი სამხედროები ყოველდღიურად ანეიტრალებენ მტრის 30-მდე თავდასხმას, რაც მნიშვნელოვან ზარალს აყენებს რუს ოკუპანტებს.
