ბათუმი-თბილისის მატარებელი თითქმის ორი საათია ზესტაფონშია გაჩერებული.
ერთ-ერთი მგზავრის თქმით, მატარებელი 13:17 საათზე თბილისში უნდა ყოფილიყო, თუმცა ისევ ზესტაფონში დგას.
„გაითიშა დენის წყარო, გათბობა, კონდიცირება, არ იღება კარები, რომ ჟანგბადი მაინც გვქონდეს“, – უყვება „ბათუმელებს“ ერთ-ერთი მგზავრი.
მისი თქმით, იმის გამო, რომ ბათუმში გზები გაუწმენდავია და გადაადგილება შეფერხებულია, ზოგიერთმა მგზავრმა მატარებელზე დააგვიანა.
საქართველოს რკინიგზის დეპარტამენტის ინფორმაციით, მატარებლის შეფერხების მიზეზი დიდთოვლობაა.
