18 თებერვალს, საქართველოში სხვადასხვა ხიდებიდან მოქალაქეებმა მასშტაბური საპროტესტო ბანერები გადმოფინეს.
ქუთაისში, რუსთავში, თბილისში, თელავში, მცხეთასა და ბალდაში ოცამდე საპროტესტო ბანერი, ერთდროულად, დილის 10 საათზე გადმოიფინა. ბათუმში, იუსტიციის სახლის მიმდებარე საფეხმავლო ხიდიდან კი, 15 თებერვალს, ოცნების ქალაქში ორი მცირეწლოვანი ბავშვის დაღუპვასთან დაკავშირებით, გლოვის ნიშნად, შავი ქსოვილი გადმოიფინა.
„ტრაგედიით, სისასტიკით, სიხარბით, პროპაგანდითა და ოლიგარქიული მისწრაფებებით ნაკვებ პოლიციურ რეჟიმს, ყოველდღიურად ძალადობრივად რომ ცდილობს ჩვენს გაჩუმებას, ჩვენს დაშორიშორებას, ჩვენ შორის შიშისა და შუღლის ჩანერგვას – ერთიანობით ვპასუხობთ.
ვპასუხობთ ტყუილს, გაყალბებულ რეალობას, პოლიტიკურად გარყვნილ ელიტას და მათ დღის წესრიგს:
ამბოხებაა ჩვენი პასუხი!
აზვავებაა ჩვენი პასუხი!
შეთქმულებაა ჩვენი პასუხი!
ამხედრებაა ჩვენი პასუხი!
ჩვენ ვდგავართ ყველგან, ვდგავართ მთელს საქართველოში, ვდგავართ მხარდამხარ და ვაშენებთ ხიდებს, ერთმანეთისკენ მისასვლელ ხიდებს, და ვაგრძელებთ ბრძოლას თავისუფლებისთვის, თანასწორობისთვის და სოლიდარობისთვის!“ – ნათქვამია მოქალაქეების განცხადებაში.
ქუთაისი, თეთრი ხიდი
ქუთაისი, წითელი ხიდი
ქუთაისი, რუსთაველის ხიდი
რუსთავი
თბილისი, ვორონცოვი
თბილისი, ვორონცოვი
თბილისი, მშვიდობის ხიდი
ბალდა | “დაიცავი საქართველო ბალდაში!”
თბილისი, მეტეხის ხიდი
თბილისი, დიდუბის ხიდი
თბილისი, ზაჰესი
თბილისი, გალაქტიონის ხიდი
თელავი
თბილისი, ვახუშტის ხიდი
თბილისი, თამარ მეფის ხიდი
თბილისი, ბარათაშვილის ხიდი
მცხეთა | “ბოროტებას ნუ კი გაექცევი, შეებრძოლე!”
