ცნობილი უკრაინელი ფეხბურთელი ანდრეი შევჩენკო ამბობს, რომ ის კახი კალაძესთან აღარ ურთიერთობს. ინფორმაციას ამის შესახებ უკრაინული სპორტული გამოცემა ავრცელებს.
შევჩენკო ამბობს, რომ მხარს უჭერს უკრაინის პრეზიდენტ ვოლოდიმირ ზელენსკის, რომელთანაც „ქართული ოცნება“ და კახა კალაძე ღია პოლიტიკურ კონფრონტაციაში იმყოფება.
„მე არ ვეკონტაქტები კალაძე. მე ვუჭერ მხარს ჩვენს პრეზიდენტს. კალაძე ჩემთვის არ არსებობს“, – თქვა ანდრეი შევჩენკომ.
ანდრეი შევჩენკო ახლა უკრაინის ფეხბურთის ასოციაციის ხელმძღვანელია. მან დღეს, 11 თებერვალს, გამართა პრესკონფერენცია. სწორედ ამ პრესკონფერენციაზე დაუსვეს მას კითხვა კახი კალაძის შესახებ.
თბილისის მერი, ყოფილი ფეხბურთელი კახა კალაძე და ანდრეი შევჩენკო თანაგუნდელები იყვნენ ჯერ კიევის „დინამოში“ და შემდეგ „მილანში“.
ანდრე შევჩენკო რამდენჯერმე იყო ჩამოსული საქართველოში და მხარს უჭერდა კახა კალაძეს უკვე პოლიტიკოსის რანგშიც.
