ავარიას ქობულეთში 20 წლამდე ბიჭი ემსხვერპლა, კიდევ ერთი დაშავებული 40 წლის კაცი კი, კლინიკაში გადაიყვანეს.
ავტოსაგზაო შემთხვევა დღეს, 9 ნოემბერს მოხდა.
„ბათუმელების“ ინფორმაციით, ერთმანეთს ორი მსუბუქი ავტომანქანა შეეჯახა. ორი დაშავებული კლინიკაში გადაიყვანეს, თუმცა 20 წლამდე ბიჭი მალევე გარდაიცვალა.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის შესაბამისად, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას. ამ დროისთვის დაკავებული არავინაა.
