ბათუმში, #22 საარჩევნო უბანზე დაიწერა საჩივარი, რომელშიც დაფიქსირებულია, რომ რეგისტრატორმა რამდენჯერმე უთხრა ამომრჩეველს შემოეხაზა მისთვის სასურველი პარტია, ნაცვლად იმისა, რომ მიეცა გაფერადების ინსტრუქცია.
მსგავს ფაქტის შემსწრე გახდა „ბათუმელების“ ჟურნალისტი ბათუმის #მე-13 საარჩევნო უბანზე, როცა ხმის მიცემის წინ რეგისტრატორმა მას რამდენჯერმე გაუმეორე ინსტრუქცია შეცდომით. იგივეს ამბობს ლელოს წარმომადგენელი ბათუმის მე-11 უბნიდან. თუმცა ამ უბნებზე მხოლოდ სიტყვიერი მითითება მისცეს რეგისტრატორებს.
საჩივარი ბათუმის #22 უბანზე საჩივარი დაწერა „ერთიანი ნაციონალური მოძრაობის“ წარმომადგენელმა, მანუჩარ ხოზრევანიძემ. საარჩევნო უბნის კომისიის თავმჯდომარემ, ნარგიზ ქარცივაძემ „ბათუმელებთან“ აღნიშნა, რომ განიხილავს ამ საჩივარს.
თავად რეგისტრატორმა „ბათუმელებს“ დაუდასტურა, რომ რომ დაუშვა შეცდომა, მიზეზად კი გადაღლილობა დაასახელა და დამკვირვებელი დაადანაშაულა მისთვის ხელის შეშლაში.
