შს სამინისტროს ინფორმაციით, ერთი პირი დააკავეს ქობულეთში, სოფელ ლეღვაში, მკვლელობის ბრალდებით.
„გამოძიებით დადგინდა, რომ ბრალდებულმა, მიმდინარე წლის რვა ოქტომბერს, ქობულეთის მუნიციპალიტეტის სოფელ ლეღვაში, ყოფით თემაზე არსებული კონფლიქტის ნიადაგზე, მეზობელი სანადირო თოფიდან გასროლით მოკლა და შემთხვევის ადგილიდან მიიმალა.
პოლიციამ ბრალდებული ცხელ კვალზე დააკავა.
სამართალდამცველებმა დანაშაულის ჩადენის იარაღი – სანადირო თოფი ნივთმტკიცებად ამოიღეს“ – აცხადებს შსს.
უწყების ინფორმაციით, განზრახ მკვლელობის ფაქტზე გამოძიება, სისხლის სამართლის კოდექსის 108-ე მუხლით მიმდინარეობს.
დანაშაული 15 წლამდე ვადით თავისუფლების აღკვეთას ითვალისწინებს.
