პატრიოტთა ალიანსის ბათუმის ოფისი, საიას საჩივართან დაკავშირებით უსკოს გადაწყვეტილებას გამოეხმაურა. „ჩვენ არ ვეთანხმებით უსკოს გადაწყვეტილებას, საიას საჩივართან დაკავშირებით, ასევე საოლქო საარჩევნო კომისიას ცალსახად შეეძლო ან სიტყვიერი გაფრთხილება მიეცა, ან კიდევ ფულადი ჯარიმა გამოეწერა უცხო ქვეყნის მოქალაქე მიხეილ სააკაშვილისადმი, რომელიც ერევა აჭარის უმაღლესი საბჭოს საარჩევნო კამპანიაში“, – განაცხადა ბრიფინგზე პატრიოტთა ალიანსის ბათუმის ოფისის ხელმძღვანელმა ირაკლი ბარამიძემ. მისივე თქმით, ალიანსი აპირებს ფართომასშტაბიანი აქციების ჩატარებას: „ვიბრძოლებთ იმისათვის, რომ ასეთი ფაქტები აღკვეთილი იქნას.“
უმაღლესმა საარჩევნო კომისიამ „საქართველოს ახალგაზრდა იურისტთა ასოციაციის“ [საია] საჩივარი არ განიხილა. საია, პირველ აგვისტოსმათ მიერ უსკოში წარდგენილი განცხადების საფუძველზე ადმინისტრაციული წარმოების დაწყებას და სამართალდარღვევის დადასტურების შემთხვევაში შესაბამისი გადაწყვეტილების მიღებას ითხოვდა. საუბარია, 2016 წლის 31 ივლისს, „ერთიანი ნაციონალური მოძრაობის“ მიერ მოსახლეობასთან გამართულ შეხვედრაზე უცხო ქვეყნის მოქალაქის, საქართველოს ყოფილი პრეზიდენტის, მიხეილ სააკაშვილის ვიდეო-ჩანაწერის ჩვენებაზე.
