ლაშა გობაძე პარიზის ოლიმპიურ თამაშებზე იჭიდავებს.
ინფორმაციას ამის შესახებ საქართველოს ჭიდაობის ფედერაცია ავრცელებს.
ფედერაციის ცნობით, ჭიდაობის მსოფლიო გაერთიანების გადაწყვეტილებით, ბერძნულ-რომაული სტილით ჭიდაობაში, 87 კილოგრამ წონით კატეგორიაში, ოლიმპიადას ჩამოშორებული ბელარუსი სპორტსმენის – მასკევიჩის ადგილს ქართველი მსოფლიოს ჩემპიონი დაიკავებს
პარიზის 2024 წლის ოლიმპიადაზე საქართველოს ბერძნულ-რომაული სტილით მოჭიდავეთა ნაკრები სამი სპორტსმენით გამოვა. ლაშა გობაძის გარდა, ოლიმპიადაზე იჭიდავებენ რამაზ ზოიძე (67 კგ) და რობერტ კობლიაშვილი (97 კგ).
ლაშა გობაძე ხულოდანაა. იგი 2019 წლის მსოფლიო ჩემპიონია.
პარიზის ოლიმპიური თამაშები წელს, 26 ივლისს გაიხსნება.
