ფრანგული სპორტული გამოცემა L’ÉQUIPE წერს, რომ საქართველოს ეროვნული ნაკრების ფეხბურთელს, გიორგი მიქაუტაძეს ფრანგულ „მონაკოში“ თამაში სურს. L’ÉQUIPE -ის ცნობით, მხარეებს შორის წინასწარი სიტყვიერი შეთანხმება შედგა და კონტრაქტსაც მალე მოეწერება ხელი.
როგორც არაერთგზის გავრცელდა მედიაში, მონაკოს გარდა მიქაუტაძის ტრანსფერს ასევე განიხილავდნენ ფრანგული კლუბები: „ლიონი“, „რენი“, „ლანსი“ და „მარსელი“, თუმცა მიქაუტაძემ, როგორც ჩანს, „მონაკოს“ მიანიჭა უპირატესობა.
როგორც ცნობილია, „მეცმა“ ქართველი ფორვარდი „აიაქსიდან“ სულ რამდენიმე დღის წინ გამოისყიდა. ნიდერლანდური მედიის ინფორმაციით, კლუბმა ამსტერდამის „აიაქსს“ დაახლოებით 13 მილიონი ევრო გადაუხადა, თუმცა, უკვე დიდი ხანია ვრცელდებოდა ინფორმაცია, რომ გიორგი „მეცსაც“ დატოვებდა, საფრანგეთის მიმდინარე წლის გათამაშების დასრულების შემდეგ გიორგის ფანკლუბიც კი დაემშვიდობა.
Tu auras été certainement l’une de nos plus grandes fiertés. Tu auras fait rêver plusieurs générations de supporters par ton talent et ta pugnacité. Nous te souhaitons le meilleur pour la suite de ta carrière 👏
Merci Georges ❤️ pic.twitter.com/ej2qMy15BK
— TEAM GRENAT (@TeamGrenat) June 2, 2024
ფრანგული მედიის ცნობით, „მონაკო“ უკვე პირველ ოფიციალურ შეთავაზებას ამზადებს და ტრანსფერის განსახორციელებლად მინიმუმ 20 მილიონი ევრო იქნება საჭირო.
