თბილისის საქალაქო სასამართლოში მორიგებით დასრულდა დავა უფლებადამცველ, უსინათლოთა კავშირის წევრ ესმა გუმბერიძესა და უსინათლოთა კავშირის მესამე ფილიალის ხელმძღვანელს, ირმა ჩიხლაძეს შორის.
ირმა ჩიხლაძემ, რომელსაც ესმა გუმბერიძემ გენდერული დისკრიმინაციისა და შევიწროებისთვის უჩივლა, ბოდიში მოიხადა:
„მე, ირმა ჩიხლაძე ბოდიშს ვუხდი ესმა გუმბერიძეს, მის მიმართ, ჩემი მხრიდან სოციალურ ქსელ ფეისბუქზე გაკეთებული არაკორექტული კომენტარის გამო, რამაც გამოიწვია ესმა გუმბერიძის დამცირება და ღირსების შელახვა. ვადასტურებ, რომ მე წინასწარ განსაზღვრული შეურაცხყოფის მიყენების მიზანი არ მქონია, ვიაზრებ ჩემი ქმედების უმართლობას და ვაღიარებ, რომ მეტი თავშეკავება მომეთხოვებოდა“.
2022 წლის ივლისში ესმა გუმბერიძეს ირმა ჩიხლაძემ შშმ პირთა ჯგუფში კრიტიკული მოსაზრებების გამო შემდეგი კომენტარი დაუწერა – „გათხოვდი, თორემ ხომ ხედავ, ტვინში გირტყამს ქიმია“. ესმა გუმბერიძემ მაშინ განაცხადა, რომ მსგავსი კომენტარი გენდერული ნიშნით დისკრიმინაციაზე მიუთითებდა.
დავა სასამართლოში დაახლოებით ორ წელს გაგრძელდა.
ამავე თემაზე: „გათხოვდი, ქიმია გირტყამს“ – უსინათლოთა კავშირის წევრის დისკრიმინაციული მიმართვა
