დღეს, 21 მაისს, დილის 11 საათიდან ბათუმის სტუდენტური მოძრაობა „მარტიანელები“ სტუდენტების გაფიცვას აანონსებს.
სტუდენტები ბათუმის შოთა რუსთაველის სახელმწიფო უნივერსიტეტის კიბეებთან შეიკრიბებიან.
ბათუმში სტუდენტური მოძრაობა რუსული კანონის გამო 13 მაისს გაიფიცა და ამ დრომდე საპროტესტო აქციებს მართავენ ბათუმში.
რა ხდება
საქართველოში მიმდინარე მრავალათასიანი საპროტესტო აქციების მიუხედავად, საქართველოს პარლამენტმა 14 მაისს რუსული კანონი მესამე მოსმენით დაამტკიცა. კენჭისყრაში მონაწილეობა 116-მა დეპუტატმა მიიღო. მათგან, რუსული კანონის მიღებას მხარი 84-მა დეპუტატმა დაუჭირა.
რუსული კანონი ახლა პრეზიდენტს ხელმოსაწერად უნდა გაეგზავნოს. პრეზიდენტს ვეტოს გამოსაყენებლად ორკვირიანი ვადა აქვს, თუმცა „ქართულ ოცნებას“ პარლამენტში საკმარისი მანდატები აქვს იმისათვის, რომ პრეზიდენტის ვეტო დაძლიოს.
შეგახსენებთ, რომ რუსული კანონი 2023 წლის მარტში მასობრივი პროტესტის შემდეგ „ოცნებამ“ უკან გაიწვია და პირობა დადო, რომ მას აღარასოდეს დაუბრუნდებოდა, თუმცა ერთი წლის შემდეგ „ოცნებამ“ კანონპროექტი უკან დააბრუნა.
ანალოგიურმა კანონმა რუსეთში გააქრო ყველა დემოკრატიული ინსტიტუტ და გაამყარა პუტინის რეჟიმი.
