ბათუმი,მთავარი,სიახლეები

არა რუსულ მომავალს – სკოლის მოსწავლეები ბათუმში აქციას გამართავენ

15.05.2024 •
არა რუსულ მომავალს – სკოლის მოსწავლეები ბათუმში აქციას გამართავენ

„მომავალი ჩვენია და მას ჩვენვე ვირჩევთ“, „არა რუსულ მომავალს“ – ბათუმის სკოლის მოსწავლეები დღეს, 15 მაისს 14:00 საათზე ცენტრალური პარკის შესასვლელთან აქციას გეგმავენ.

აქციას ბათუმის რამდენიმე საჯარო და კერძო სკოლის მოსწავლეები უერთდებიან. ამ დროისთვის არ ვიცით იქნებიან თუ არა მათთან ერთად მასწავლებლები.

სკოლის მოსწავლეები რუსული კანონის გასაპროტესტებლად პარკის კოლონადებთან გუშინ, 14 მაისსაც შეიკრიბნენ.

მოგვიანებით კი, მოსწავლეები სტუდენტების აქციას შეუერთდენ.

რუსული კანონის წინააღმდეგ საპროტესტო აქციას სტუდენტები დღეს, 15 მაისს, ბათუმში 19:00 საათიდან აანონსებენ.

მიუხედავად იმისა, რომ აქციებისა და დაკავებების ფონზე საქართველოს პარლამენტმა რუსული კანონი მესამე მოსმენით გუშინ 14 მაისს დაამტკიცა, აქციის მონაწილეები გამოსვლების შეწყვეტას არ აპირებენ და აცხადებენ, რომ არ შეეგუებიან საქართველოს კურსის ცვლილებას.

სტუდენტების ანტირუსული აქცია განახლდება დღეს ქვეყნის დედაქალაქშიც.

„საბოლოოდ დავანახოთ ევროპას, რომ ჩვენ მისი განუყოფელი ნაწილი ვართ! სტუდენტები, 15 მაისს 15 საათიდან ვიკრიბებით თსუ-ს პირველი კორპუსის ეზოში – საქართველოს გზა ევროპაშია!“ – წერს ახალგაზრდების ორგანიზაცია „დაფიონი“.

გადაბეჭდვის წესი


ასევე: