სიახლეები

რუსეთის მასობრივი თავდასხმა უკრაინაზე – კიევის ცნობით 90-იდან 84 საჰაერო სამიზნე გაანადგურეს

29.03.2024 • 3297
რუსეთის მასობრივი თავდასხმა უკრაინაზე – კიევის ცნობით 90-იდან 84 საჰაერო სამიზნე გაანადგურეს

29 მარტს, ღამით, რუსეთმა კიდევ ერთი მასიური შეტევა განახორციელა უკრაინაზე რაკეტებითა და დრონებით.

მედიის ცნობით, უკრაინაში მთელი ღამის განმავლობაში გრძელდებოდა საჰაერო თავდასხმის გაფრთხილების სიგნალი.

კიევის ცნობით, რუსეთის ჯარებმა უკრაინაში გაუშვეს 99 საჰაერო თავდასხმის იარაღი: 60 შაჰედ-136/131, სამი რაკეტა „კინჯალი“, ორი ბალისტიკური რაკეტა „ისკანდერ-M“, 9 მართვადი X-59 რაკეტა, 4 „ისკანდერ-K“  და 21 Kh-101/Kh-555 რაკეტები.

უკრაინის საჰაერო ძალების განცხადებით, მათ 90-იდან 84 საჰაერო სამიზნე გაანადგურეს.

კომპანია „უკრენერგო“ იტყობინება, რომ რუსული თავდასხმის სამიზნე იყო ენერგეტიკული ინფრასტრუქტურის ობიექტები. უკრაინის ცენტრალურ და დასავლეთ რეგიონებში დაზიანდა თბოელექტრო და ჰიდროელექტროსადგურები. დნეპროპეტროვსკის ოლქში შუქი გაითიშა, ხარკოვში შემოიღეს საათობრივი გათიშვის გრაფიკი.

პოლონეთის შეიარაღებული ძალების სარდლობამ განაცხადა, რომ უკრაინაზე რუსული სარაკეტო თავდასხმის გამო ღამით სამხედრო ავიაცია მოიყვანეს მზადყოფნაში.

გადაბეჭდვის წესი