სიახლეები

საქართველოში უფრო ნაკლები ადამიანი დაიბადა, ვიდრე გარდაიცვალა – 2023 წლის სტატისტიკა

28.03.2024 • 3436
საქართველოში უფრო ნაკლები ადამიანი დაიბადა, ვიდრე გარდაიცვალა – 2023 წლის სტატისტიკა

2023 წელს საქართველოში უფრო მეტი ადამიანი გარდაიცვალა, ვიდრე დაიბადა.

საქართველოს სტატისტიკის ეროვნული სამსახურის ცნობით, 2023 წელს, საქართველოში სხვაობა დაბადებულთა და გარდაცვლილთა შორის არის -2 542.

გარდაცვლილების რაოდენობა დაბადებულთა რაოდენობაზე მეტია საქართველოს ყველა რეგიონში, თბილისის, აჭარის და ქვემო ქართლის გარდა.

ამავე დროს, საქსტატის ცნობით, 2023 წელს, 2022 წელთან შედარებით, გარდაცვლილთა რიცხოვნობა 13.0 პროცენტით შემცირდა და 42 756 ერთეული შეადგინა.

გარდაცვალების ყველაზე მეტი შემთხვევა დაფიქსირდა თბილისში [12 229 ადამიანი], ხოლო ყველაზე ნაკლები – რაჭა-ლეჩხუმისა და ქვემო სვანეთის რეგიონში [580 ადამიანი].

2023 წელს სტატისტიკის ეროვნულმა სამსახურმა გამოაქვეყნა დოკუმენტი, რომლის თანახმადაც, საქართველოს მოსახლეობა დემოგრაფიულად ბერდება.

____________________________

ამავე თემაზე: რატომ მცირდება მოსახლეობა საქართველოში

გადაბეჭდვის წესი


ასევე: