მთავარი,სიახლეები

ძველი ლიფტების შეცვლა ბათუმში – 5 მილიონიანი ტენდერისთვის ბრძოლა ხელახლა იწყება

23.03.2024 • 3997
ძველი ლიფტების შეცვლა ბათუმში – 5 მილიონიანი ტენდერისთვის ბრძოლა ხელახლა იწყება

ბათუმში 60-მდე ლიფტის შესაცვლელად 5-მილიონიანი ტენდერი, მერიის საქალაქო ინფრასტრუქტურისა და კეთილმოწყობის სამმართველოს ინფორმაციით უარყოფითი შედეგით დასრულდა, ამიტომ იგივე მომსახურებაზე ტენდერი ხელახლა გამოაცხადეს.

სატენდერო კომისიის ოქმში აღნიშნულია, რომ განმეორებით გამოცხადებულ ტენდერში პირობები არ შეცვლილა. იგივე დარჩა შესყიდვის სავარაუდო ღირებულებაც – 5 264 551 ლარი.

ახალ ტენდერში წინადადებების მიღება 2024 წლის 7 აპრილს დაიწყება და 12 აპრილს დამთავრდება. სამუშაოების დასრულების ვადა კი 2024 წლის 11 დეკემბრამდეა.

შესყიდვების პორტალის მიხედვით, წინა ტენდერში [რომელიც სამმართველომ 2023 წლის 9 ნოემბერს გამოაცხადა] ოთხი კომპანია მონაწილეობდა:

  • „აველიჯე მაქინე სანაი ვე თიჯარეთ“ – შეთავაზება – 5 062 716 ლარი
  • ELE – 5 046 282 ლარი
  • „თბილლიფტსერვისი“ – 4 865 700 ლარი
  • „ბათუმი სიტი XXI“ – 4 699 999 ლარი

ოთხივე ამ კომპანიას მერიის სამმართველოს სატენდერო კომისიამ ეტაპობრივად დისკვალიფიკაცია მისცა „ტექნიკური დოკუმენტაციის გამო“.

კომისიის გადაწყვეტილებები პრეტენდენტებმა რამდენჯერმე გაასაჩივრეს შესყიდვების სააგენტოს დავების საბჭოშიც.

– – –

„უფროსს დაურეკეს თბილისიდან და უთხრეს, ვის უნდა მოეგო ტენდერი… არ აინტერესებთ, ეს როგორ მოხერხდება. ძალიან ცუდ დღეში ჩააგდეს. ახლა გვიჩივის კომპანია, რომელსაც დაბალი ფასი ჰქონდა დაფიქსირებული“, – ეს ინფორმაცია „ბათუმელებს“ ინფორმირებულმა წყარომ მოაწოდა აღნიშნულ ტენდერთან დაკავშირებით, ჯერ კიდევ ტენდერის მიმდინარეობის დროს.

„ბათუმელები“ მაშინ წერდა, რომ ჩვენი ინფორმაციით, სამმართველოს უფროსს თბილისიდან გავლენიანი პირის სახელით დაურეკეს და „ის ძალიან ცუდ დღეში ჩააგდეს…“

„არ ყოფილა და ვერც იქნება“ – უთხრა მაშინ სამმართველოს უფროსმა „ბათუმელებს“. აკაკი ბერიძემ ინფორმაცია გავლენიანი პირისგან მითითების მიღების შესახებ კატეგორიულად უარყო.

ამ თემაზე ვრცლად:

ვის დარჩება 5-მილიონიანი ტენდერი – ბათუმის მერიას 3 კომპანია უჩივის

მისამართები, სადაც აღნიშნული ტენდერის ფარგლებში ლიფტები უნდა შეიცვალოს: 

ა. გრიბოედოვის N24. სატვირთო
ა. გრიბოედოვის N28. სატვირთო
ა. პუშკინის N35 (ა კორპუსის 2 ლიფ.)
ა. პუშკინის N35დ. 1 სად.
ა. პუშკინის N35დ. 2 სად.
გ. ტაბიძის N33. 1 სად.
გ. ტაბიძის N33. 2 სად.
გ. ტაბიძის N39. 1 სად.
გ. ტაბიძის N39. 2სად.
გ.ტაბიძის N15. 1 სად.
გ. ტაბიძის N15. 2 სად.
გ. ტაბიძის N19ა. 1 სად.
გ. ტაბიძის N19ა. 2 სად.
გრიბოედოვის # 28
გუდიაშვილის 18. 2 სად.
დ. აღმაშენებლის N8. 2 სად.
დ. აღმაშენებლის N12. 1 სად.
დ. აღმაშენებლის N12. 2 სად.
დ. აღმაშენებლის N20. 1 სად.
დ. აღმაშენებლის N20. 2 სად.
დ. აღმაშენებლის N26. 1 სად.
დ. აღმაშენებლის N26. 2 სად.
დ. აღმაშენებლის N36. 1 სად.
დ. აღმაშენებლის N36. 2 სად.
დ. აღმაშენებლის N36. 3 სად.
ვ. გორგასალის N152. 2 სად.
ვ. გორგასალის N159. 2 სად.
ზ. გამსახურდიას N1-N5. 3 სად.
ზ. გამსახურდიას N1-N5. 4 სად.
ზ. გორგილაძის N54. 1 სად.
თამარ მეფის გამზ. N48 2სად.
თამარ მეფის გამს. N48. 1სად
ი. ჭავჭავაძის N39-N47. 2სად.
ი.კობალაძის N6. 1 სად.
ი. ჭავჭავაძის N78-N88. 5 სად
ი. ჯავახიშვილის N78ა. 1 სად.
ი. ჯავახიშვილის N78ა. 2 სად.
მ. ლერმონტოვის N2-N4. 1 სად.
მ. ლერმონტოვის N2-N4. 2 სად.
მელიქიშვილის-გორგასალის N18-N92. 1 სად.
ს. ახმეტელის N5.
ტბეთის შეს. N3. 2 სად.
ტბელ აბუსერიძის N21ა. 2 სად.
ტბელ აბუსერიძის N21ბ. 2 სად.
ფრ.ხალვაშის VI შეს.N17. 1 სად.
ფრ.ხალვაშის VI შეს.N17. 2 სად.
შ. ინასარიძის N2. სამგზავრო.
შ. ინასარიძის N2. სატვირთო.
შ. ინასარიძის N20. 2 სად.
შ. ხიმშიაშვილის N9ა. 1 სად.
შ. ხიმშიაშვილის N9ა. 2 სად.
შ. ხიმშიაშვილის N9ა. 3 სად.
შ. ხიმშიაშვილის N11. 1 სად.
შ. ხიმშიაშვილის N11. 2 სად.
შ. ხიმშიაშვილის N11. 3 სად.
შ. ხიმშიაშვილის N13. 1 სად.
შ. ხიმშიაშვილის N13. 2 სად.
შ. ხიმშიაშვილის N21. 1 სად.
შ. ხიმშიაშვილის N21. 2 სად.

 

გადაბეჭდვის წესი


ასევე: