„პოზა სიარული წინ და უკან“ – გამოფენა ამ სახელწოდებით ბათუმის თანამედროვე ხელოვნების სივრცეში მიმდინარეობს.
ოთხი სლოვაკი ხელოვანის: გინტა ვეისერმენის, იზაბელ ვენცელის, MML Studio-ს და ლუსია ნიმცოვას ნამუშევრები შემოქმედებითმა ჯგუფმა „ფლოატმა“ ჩამოიტანა ბათუმში.
გამოფენაზე წარმოდგენილია ფოტოები და ვიდეო ინსტალაციები, რომელიც სხვადასხვა სოციალურ დონეზე მყოფი ადამიანის მდგომარეობას ასახავს.
როგორც თანამედროვე ხელოვნების სივრცის საზოგადოებასთან ურთიერთობის მენეჯერი ლაშა ფალავანდიშვილი განმარტავს, გამოფენაზე წარმოდგენილ ფოტოებში ასახულია ადამიანის პლასტიკა, საკუთარი თავის მალვის თუ გარდასახვის იდეა, ვიდეოებში კი ძირითადად ვხვდებით დეკონსტრუქციას, წესრიგის დარღვევას – თუ როგორ შლიან და აფუჭებენ ადამიანები ბუნებაში მიღებულ წესებს, თუ როგორ ურთიერთქმედებენ ერთმანეთზე.
გამოფენა თანამედროვე ხელოვნების სივრცეში 31 ივლისამდე გაგრძელდება და მისი დათვალიერება უფასოა.
გამოფენის აფიშა
