მთავარი,სიახლეები

ნარკოტიკი კლავს – დედების აქცია ბათუმში

14.03.2024 • 3729
ნარკოტიკი კლავს – დედების აქცია ბათუმში

ბათუმში, ევროპის მოედანზე დედების აქცია გაიმართა.

“ნარკოტიკი კლავს”, “გადაგვირჩინეთ შვილები,” “ნუ გაჩუმდები” – მსგავსი შინაარსის პლაკატები ჰქონდათ დედებს გამოტანილი აქციაზე.

“ჩვენ ვიცავთ ჩვენი შვილების მშვიდობიან, ჯანმრთელ, ჯანსაღ გარემოში ყოფას. დღეს ყველა მედია საშუალებით, ყოველდღე ვისმენთ ძალიან ბევრი ახალგაზრდის, ბავშვების მოწამლვლას ამ საშინელი ნივთიერებებით. ჩვენი აქცია სწორედ ჩვენი შვილების ხვალინდელ დღეს ეხება. დედების აქციაა დღეს.

ხელისუფლებას ვთხოვთ, მოვითხოვთ გამოავლინოს, ნუ მფარველობს ადამიანებს ვისაც შემოაქვს ეს. იყოს გაცხადებული შემომტანიც და მფარველიც.  ჩვეულებრივი ადამიანი, რომ ამას [ნარკოტიკს] ვერ შემოიტანს ხომ ვიცით?

ვითხოვთ ხელი შეუწყონ ჩვენი შვილების ჯანსაღი ცხოვრების წესს. ჩვენ არ გვეშინოდეს ჩვენი შვილების გარეთ გამოშვება,” – უთხრა “ბათუმელებს” ენმ-ის წევრმა ასმათ დიასამიძემ.

აქცია ენმ-ის ქალთა ორგანიზაციის მიერ იყო დაორგანიზებული.

დედების აქცია ბათუმში

გადაბეჭდვის წესი


ასევე: