ბათუმი,მთავარი,სიახლეები

ხალვაშის გამზირზე ასფალტი აყარეს – გზის ერთი მხარე ისევ გადაკეტეს

25.02.2024 • 10725
ხალვაშის გამზირზე ასფალტი აყარეს – გზის ერთი მხარე ისევ გადაკეტეს

ბათუმი-ახალციხის გზის დასაწყისი [აეროპორტის გზატკეცილიდან ხახულის ქუჩამდე მონაკვეთი] მეორე დღეა ცალმხრივად ჩაკეტილია. ამის გამო ანგისიდან [ბავშვთა საავადმყოფო] ხელვაჩაურისკენ მიმავალ ტრანსპორტს ალტერნატიული გზებით უწევს გადაადგილება.

ხალვაშის გამზირზე საქართველოს საავტომობილო გზების დაკვეთით სარეაბილიტაციო სამუშაოები მიმდინარეობს. ხელშეკრულება დეპარტამენტს შპს „ერ ტე დე“-სთან 19 399 999 ლარზე აქვს გაფორმებული.

გზის ჩაკეტილ მონაკვეთში ასფალტის საფარი აყარეს.

ხალვაშის გამზირზე [აეროპორტის გზატკეცილიდან ხახულის ქუჩამდე მონაკვეთში] ასფალტი აყარეს / სავალი ნაწილის ერთი მხარე ამ მონაკვეთში ჩაკეტილია / 25.02.2024

„ბათუმელებმა“ ვერცერთი კომპეტენტური უწყებიდან ვერ მიიღო პასუხი კითხვაზე – რამდენი ხნით ჩაიკეტა ხალვაშის გამზირი ცალმხრივად – აეროპორტის გზატკეცილიდან [ბავშვთა საავადმყოფო] ხახულის ქუჩის კვეთამდე.

ხალვაშის გამზირზე [აეროპორტის გზატკეცილიდან ხახულის ქუჩამდე მონაკვეთში] ასფალტი აყარეს / სავალი ნაწილის ერთი მხარე ამ მონაკვეთში ჩაკეტილია / 25.02.2024

გზის ამ ნაწილის გამო შეიცვალა N12 საქალაქო ავტობუსის მოძრაობის მარშრუტიც.

„ბათუმის ავტოტრანსპორტის“ ინფორმაციით, ქალაქის ცენტრიდან მიმავალი N12 ავტობუსი ბავშვთა საავადმყოფოდან აგრძელებს გზას აეროპორტის მიმართულებით და ხალვაშის გამზირზე შედის ივანე მესხის ქუჩით.

რა პერიოდით ჩაიკეტა ხალვაშის გამზირის დასაწყისი მონაკვეთი, ინფორმაცია არც „ავტოტრანსპორტში“ აქვთ.

ხალვაშის გამზირზე [აეროპორტის გზატკეცილიდან ხახულის ქუჩამდე მონაკვეთში] ასფალტი აყარეს / სავალი ნაწილის ერთი მხარე ამ მონაკვეთში ჩაკეტილია / 25.02.2024

გზის ჩაკეტვის გამო ბათუმიდან ხელვაჩაურის მიმართულებით მოძრავი ტრანსპორტი ხალვაშის გამზირზე აღმაშენებლისა და ხახულის ქუჩებით გაივლის. ანალოგიურად მოძრაობს ხელვაჩაურში მიმავალი საქალაქო მიკროავტობუსებიც.

ბათუმის აეროპორტიდან ხელვაჩაურისკენ მიმავალ ტრანსპორტს კი, ხალვაშის გამზირზე მოხვედრა შეუძლია ბეთლემის ან მუხრან მაჭავარიანის ქუჩების გავლით.

ამავე თემაზე:

„ფული მიაქვთ ჯიბეში“, ანუ როგორ გააკეთეს ხალვაშის გამზირი – გამოკითხვა ხელვაჩაურში

„კალაძეს წერეთლის ქუჩა დაემხო, რიჟვაძეს – ფრიდონ ხალვაშის გამზირი“ – ბრიფინგი ბათუმში

ხალვაშის გამზირზე ახალდაგებული ასფალტი უკვე ამოტეხილია – როდის დასრულდება სამუშაოები

ხალვაშის გამზირზე [აეროპორტის გზატკეცილიდან ხახულის ქუჩამდე მონაკვეთში] ასფალტი აყარეს / სავალი ნაწილის ერთი მხარე ამ მონაკვეთში ჩაკეტილია / 25.02.2024

შენიშვნა: თავდაპირველად მასალაში ეწერა, რომ ახალდაგებული ასფალტი აყარეს, თუმცა ამ კონკრეტულ მონაკვეთში ასფალტი არ იყო ახალდაგებული.

გადაბეჭდვის წესი


ასევე: