14 წლის დეა შაქარაძეს გადაუდებელი ოპერაცია სჭირდება.
ის ერთი კვირაა ბათუმში, რესპუბლიკური საავადმყოფოს ინტენსიურ განყოფილებაში წევს. მოზარდი მოულოდნელად გახდა ცუდად.
როგორც დეას მშობლები, ნესტან ხაბაძე და მამუკა შაქარაძე „ბათუმელებთან“ ამბობენ, მათ შვილს გადაუდებელი ოპერაცია სჭირდება ღვიძლსა და ელენთაზე.
„ცოტას ახველებდა, სხვა განსაკუთრებული ჩივილები არ ჰქონია. მოულოდნელად დაეწყო ღებინება.
როგორც გვითხრეს, ღვიძლსა და ელენთაზეა პრობლემა და სხვა პრობლემებიც გამოიკვეთა.
როგორც გვითხრეს, საქართველოში ვერ აკეთებენ იმ ოპერაციას, რაც ჩვენს შვილს სჭირდება, ამიტომ დღეს, 30 იანვარს, სტამბოლში ვაპირებთ გაფრენას.
ამ ეტაპზე ზუსტად არ ვიცით რა დაჯდება ოპერაცია. ჯერ უნდა ჩავიდეთ სტამბოლში და იქ გაგვიკეთებენ კალკულაციას.
ფინანსური დახმარება ვთხოვეთ ჯანდაცვის სამინისტროსაც, თუმცა ფინანსების დაზუსტებამდე ვერც ჯანდაცვა გვირიცხავს თანხას.
ამიტომ საზოგადოებას გვინდა ვთხოვოთ დახმარება“, – გვითხრეს 14 წლის გოგონას მშობლებმა.
როგორც კლინიკაში გვეუბნებიან, ბავშვის მდგომარეობა მძიმეა და მას გადაუდებელი მკურნალობა სჭირდება.
მოზარდის მშობლები ქედაში, სოფელ კორომხეთში ცხოვრობენ.
_____
14 წლის დეას დახმარების მსურველებს თანხა შეგიძლიათ გადარიცხოთ შემდეგ ანგარიშებზე:
საქართველოს ბანკი – GE33BG0000000586430788
თიბისი ბანკი – GE77TB7423545068100055
მიმღები, ნესტან ხაბაძე.
