დღეს, 29 იანვარს, ბათუმში, ასათიანის ქუჩაზე, ჩიხში, აბონენტების ნაწილს გაზის მიწოდება შეუწყდა.
კომპანია „სოკარის“ ცნობით, გაზის გათიშვის მიზეზი ავარიული დაზიანება გახდა და ამ ეტაპზე გათიშულია 78 აბონენტი.
„ამ ეტაპზე საავარიო ჯგუფი ადგილზე მუშაობს. ბუნებრივი გაზის მიწოდება ეტაპობრივად აღდგება 29 იანვრის 18:00 საათიდან და დასრულდება დღის ბოლომდე“ – აცხადებს კომპანია.
„სოკარი“ აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
