მთავარი,სიახლეები

ბულვარი ახალ სკვერს მოაწყობს – გამოყოფილია 324 ათასი ლარი

14.01.2024 • 3426
ბულვარი ახალ სკვერს მოაწყობს – გამოყოფილია 324 ათასი ლარი

ბათუმის ბულვარში, საზღვაო აკადემიის მოპირდაპირედ, ბულვარის ადმინისტრაცია ახალ ე.წ. მექსიკურ სკვერს მოაწყობს, რისთვისაც 340 ათასი ლარია გათვალისწინებული.

ამ თანხით ადმინისტრაციამ ტენდერი „ახალი თემატური სკვერის მოწყობის სამუშაოს შესყიდვაზე“ უკვე გამოაცხადა.

ტენდერში წინადადებების მიღება 2024 წლის 28 იანვარს დაიწყება და 2 თებერვალს დასრულდება.

„მექსიკური სკვერი“ ბათუმში საზღვაო აკადემიის პირდაპირ/ რენდერი პროექტიდან

ტენდერის პირობის მიხედვით, პრეტენდენტს „2021 წლის პირველი იანვრიდან ტენდერის გამოცხადების თარიღამდე შესრულებული უნდა ჰქონდეს ტენდერით გათვალისწინებული ანალოგიური შინაარსის, სირთულისა და ხასიათის – პარკების ან/და სკვერების ან/და სარეკრეაციო სივრცეების ან/და გამწვანებული ტერიტორიების მოწყობის ან/და რეაბილიტაციის სამუშაოების შესრულების გამოცდილება – ღირებულებით არანაკლებ 850 ათასი ლარის ოდენობით დღგ-ს ჩათვლით“.

სკვერის მოწყობის სამუშაოები ორ ეტაპად ჩატარდება. პირველი გულისხმობს სკვერის მოწყობას გამწვანების გარეშე, მეორე კი, გამწვანებას.

უშუალოდ გამწვანების სამუშაოებს ბულვარი საკუთარი ძალებით შეასრულებს, საჭირო ხე-მცენარეებს კი, ცალკე ტენდერით შეისყიდის.

სკვერისთვის ტერიტორია კი, აღნიშნულ ტენდერში გამარჯვებულმა, ხელშეკრულების გაფორმებიდან 120 დღეში უნდა მოაწყოს.

„მექსიკური სკვერის“ რენდერები პროექტიდან

პროექტი და ხარჯთაღრიცხვა, რომლის მიხედვითაც სამუშაოები უნდა ჩატარდეს, ბათუმის ბულვარს შპს „მრავალკუთხედისგან“ აქვს შეძენილი 8 ათას 24 ლარად.

პროექტირებაზე ტენდერი ბულვარს 11 ათას 16 ლარით ჰქონდა გამოცხადებული:

ბათუმის ბულვარი მექსიკური სკვერის მოწყობას გეგმავს

გადაბეჭდვის წესი


ასევე: