შავი ზღვის ჯაზფესტივალში მონაწილეთა სასტუმროში განთავსებაზე ტენდერი არ შედგა

აჭარის განათლების, კულტურისა და სპორტის სამინისტროს მიერ შავი ზღვის ჯაზფესტივალში მონაწილეთა საერთაშორისო ბრენდის სასტუმროში განთავსების უზრუნველყოფაზე 4 ივლისს გამოცხადებულ ტენდერში მონაწილეობა არავინ მიიღო, შესაბამისად, ტენდერი არ შედგა. სამინისტრომ გამარტივებული ტენდერი გუშინ, 8 ივლისს, ხელახლა გამოაცხადა.

სატენდერო პირობების თანახმად, პრეტენდენტმა უნდა უზრუნველყოს შავი ზღის ჯაზ-ფესტივალში მონაწილე პირების განთავსება (საუზმით) საერთაშორისო ბრენდის (4 ან 5 ვარსკვლავიან) სასტუმროში ზღვისპირა ზოლზე ქ. ბათუმში, ცენტრალურ ნაწილში:

ლუქსის ტიპის ერთადგილიანი ნომერი (One-bedroom Suite)
21.07 დან 25.07.2016 (4 ღამე) – 1 ერთეული;
22.07 დან 25.07.2016 (3 ღამე) – 1 ერთეული;
23.07 დან 25.07.2016 (2 ღამე) – 2 ერთეული.

ლუქსის ტიპის ერთადგილიანი ნომერი ზღვის ხედით (Executive Sea View room Single)
21.07 დან 25.07.2016 (4 ღამე) – 1 ერთეული.

სტანდარტული ერთადგილიანი ნომერი (Guestroom single)
21.07 დან 25.07.2016 (4 ღამე) – 3 ერთეული;
23.07 დან 25.07.2016 (2 ღამე) – 6 ერთეული;

ლუქსის ტიპის ერთადგილიანი ნომერი(Executive Room Single)
22.07 დან 25.07.2016 (3 ღამე) – 2 ერთეული;
23.07 დან 25.07.2016 (2 ღამე) – 5 ერთეული;
23.07 დან 25.07.2016 (2 ღამე) – 8 ერთეული.

ლუქსის ტიპის საპრეზიდენტო ნომერი(Presidental Suite)
23.07 დან 25.07.2016 (2 ღამე) – 1 ერთეული.

ზემოაღნიშნულ მომსახურებაში სამინისტრო მაქსიმუმ 42 ათას 372 ლარს გადაიხდის.

მის ლორინ ჰილი, მეისი გრეი, The Prodigy და სხვები წელს შავი ზღვის მეათე ჯაზფესტივალის ფარგლებში ქართველი მაყურებლის წინაშე წარსდგებიან. ფესტივალი 15-24 ივლისს ბათუმში გაიმართება. შავი ზღვის ჯაზფესტივალის ფარგლებში კონცერტები 7 დღის განმავლობაში, ყოველ საღამოს, 20 საათზე, ბათუმის ჩოგბურთის კლუბში [ძირითადი სცენა] ჩატარდება.