დასავლეთ საქართველოში, დღეს დილიდან მოსული უხვი ნალექის გამო, დაახლოებით ნახევარი საათის წინ მეწყერი ჩამოწვა ბათუმი-ქობულეთის დამაკავშირებელ გზაზე, მახინჯაურის გვირაბთან ახლოს, რის გამოც მოძრაობა დროებით შეჩერებულია. საგანგებო სიტუაციების სამსახურის პრესსამსახურის ინფორმაციით დაზარალებულები არ არიან, ჩახერგილია გზის მცირე ნაწილი.
ამ წუთებში ადგილზე გაწმენდითი სამუშაოები მიმდინარეობს.
უხვი ნალექი მოვიდა ბათუმშიც. ბათუმის მერიის ცნობით დატბორილია შაფათავას, სულაბერიძის, სააკაძის, ტაბიძის, მაქაცარიას, სააკაძის, ს. ხიმშიაშვილის, ლერმონტოვის, ბაგრატიონის ქუჩების მონაკვეთები.
