უკრაინის გენერალური შტაბის ბოლო, 7 დეკემბრის ცნობებით, რუსეთის საოკუპაციო ძალები განსაკუთრებით გააქტიურდნენ ავდიივკის მიმართულებით – გენშტაბის ინფორმაციით, მხოლოდ ერთ დღეში აქ უკრაინულმა ძალებმა რუსეთის 34 შეტევა მოიგერიეს.
გენერალური შტაბი ყოველდღიურ მიმოხილვაში წერს, რომ ბოლო 24 საათის განმავლობაში ფრონტზე 91 სამხედრო შეტაკება მოხდა. მთლიანობაში რუსეთმა განახორციელა 2 სარაკეტო და 80 საჰაერო დარტყმა და 85 შეტევა – მრავალჯერადი სარაკეტო სისტემებიდან.
გენშტაბის ცნობით, ავდიივკის მიმართულებით უკრაინელი ჯარისკაცები აგრძელებენ მტრის შეკავებას, რომელიც არ წყვეტს ავდიივკის ალყაში მოქცევის მცდელობებს.