მთავარი,სიახლეები

ბათუმში პოლიციელი დააკავეს ცოლზე ძალადობის ბრალდებით

05.12.2023 • 1039
ბათუმში პოლიციელი დააკავეს ცოლზე ძალადობის ბრალდებით

სპეციალურმა საგამოძიებო სამსახურმა მეუღლის მიმართ ძალადობის ფაქტზე შინაგან საქმეთა სამინისტროს დაცვის პოლიციის დეპარტამენტის აჭარის სამმართველოს ინსპექტორი დააკავა.

სამსახურის ცნობით, გამოძიებით დადგინდა, რომ 1969 წელს დაბადებულმა სამართალდამცველმა 2023 წლის 4 დეკემბერს ბათუმში, ა. აბაშიძის ქუჩაზე, გაჩერებულ ავტომობილში, ეჭვიანობის ნიადაგზე წარმოქმნილი კონფლიქტის დროს ფიზიკურად იძალადა მის მეუღლეზე და სხეულის სხვადასხვა არეში დაზიანებები მიაყენა.

სპეციალურმა საგამოძიებო სამსახურმა დაზარალებული ქალისგან დანაშაულის შესახებ შეტყობინების მიღების შემდეგ მტკიცებულებების მოპოვება მყისიერად უზრუნველყო, რის საფუძველზეც სამართალდამცავი ოჯახში ძალადობისთვის იქნა დაკავებული.

დანაშაული 2 წლამდე თავისუფლების აღკვეთას ითვალისწინებს.

საგამოძიებო სამსახურის ცნობით, დაკავებულ სამართალდამცველს ბრალდება 48 საათში წარედგინება, გამოძიება კი გრძელდება.

გადაბეჭდვის წესი


ასევე: