მთავარი,სიახლეები

თავი შეიკავეთ სანაპიროსთან გადაადგილებისგან – საგანგებოს გაფრთხილება

27.11.2023 • 924
თავი შეიკავეთ სანაპიროსთან გადაადგილებისგან – საგანგებოს გაფრთხილება

საგანგებო სიტუაციების მართვის სამსახური მოუწოდებს მოქალაქეებს, განსაკუთრებით ზღვისპირა რეგიონებში, შტორმისა და უამინდობის გამო, თავი შეიკავონ სანაპირო ზოლთან გადაადგილებისგან.

„საქართველოს სხვადასხვა რეგიონში ძლიერი ქარის, უხვი ნალექისა და შტორმის გამო შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები, საპატრულო პოლიციის დეპარტამენტისა და კრიმინალური პოლიციის დეპარტამენტის თანამშრომლები მობილიზებულნი არიან ადგილობრივი მუნიციპალიტეტების წარმომადგენლებთან ერთად და ახორციელებენ შესაბამის სამუშაოებს.

მოვუწოდებთ მოსახლეობას, განსაკუთრებით ზღვისპირა რეგიონებში მყოფ მოქალაქეებს, შტორმისა და უამინდობის გამო, თავი შეიკავონ სანაპირო ზოლთან გადაადგილებისგან“ – წერს საგანგებო სიტუაციების მართვის სამსახური.

26 ნოემბრის ღამიდან დღემდე შავ ზღვაში შტორმია – სტიქია შეეხო საქართველოს, უკრაინას, რუსეთს, რუმინეთს, მოლდოვასა და ბულგარეთს.

გადაბეჭდვის წესი