უკრაინაში, დონეცკის ოლქის ქალაქ ავდიივკასთან, რომელიც ბოლო თვეა რუსეთ-უკრაინის ომის ერთ-ერთი ყველაზე ცხელი წერტილია, რუსეთის ჯარები იძულებულნი გახდნენ, გადაჯგუფებულიყვნენ მნიშვნელოვანი დანაკარგების გამო.
ამის შესახებ ტაურიდის თავდაცვის ძალების სპიკერმა ალექსანდრე შტუპუნმა განაცხადა.
„თავდასხმა არ შეწყვეტილა, მაგრამ გარკვეულწილად შემცირდა. მტერი გადაჯგუფების პროცესშია, რადგან მხოლოდ ბოლო კვირაში დონეცკის რეგიონში თითქმის სამი ათასი პერსონალი დაკარგეს. რუსეთისთვისაც კი ეს საკმაოდ მნიშვნელოვანია“ – თქვა მან.
შტუპუნის თქმით, ავდიივკის მიმართულებით რუსები აქტიურად იყენებენ ავიაციას, განსაკუთრებით ღამით, ბომბავენ გარეუბანს და თავად ქალაქს. სამი დღის განმავლობაში ავდიივკის ირგვლივ 50-ზე მეტი მართვადი ბომბი გაუშვეს.
ბოლო ცნობებით, უკრაინელმა ჯარისკაცებმა ავდიივკის მიმართულებით ათამდე შეტევა მოიგერიეს.
