„ენერგო-პრო ჯორჯიას“ ცნობით, ხვალ, 24 ოქტომბერს, გონიოში და აჭარის რამდენიმე სოფელში ელექტროენერგიის მიწოდება შეწყდება.
კერძოდ, შუქი გაითიშება:
- შუახევის სოფლებში: ჩანჩხალოში, შუბანსა და მიმდებარე სოფლებში, მთა შუამთასა და მთა ჯინალზე – აქ შუქი 12:00-დან 17:00 საათამდე გაითიშება;
- გონიოს დასახლებაში – სიმონ კანანელის, პეტრე იბერის, მატათა მოციქულის და მიმდებარე ქუჩებზე – 12:00-დან 18:00 საათამდე;
- ხულოში: სოფელ კვატიაში, მთა მაჭარელთაზე, ქვაბიჯვარსა და მიმდებარე სოფლებში – 12:00-დან 20:00-მდე.
კომპანიის განმარტებით, შუქის გათიშვის მიზეზი სარეაბილიტაციო სამუშაოებია. კომპანიაში აზუსტებენ, რომ აღნიშნულ მისამართებზე შუქი გაითიშება მონაცვლეობით.
