მთავარი,სიახლეები

ბათუმი-თბილისის მატარებელი ერთ საათზე მეტი ქობულეთში იყო გაჩერებული

16.10.2023 • 2866
ბათუმი-თბილისის მატარებელი ერთ საათზე მეტი ქობულეთში იყო გაჩერებული

განახლებული ინფორმაცია: „ბათუმელებს“ საქართველოს რკინიგზაში უთხრეს, რომ მატარებელი ქობულეთის სადგურიდან [10:55 სთ] უკვე დაიძრა.

დღეს, 16 ოქტომბერს, ბათუმი-თბილისის მატარებელი ქობულეთის სადგურში ერთ საათზე მეტია გაჩერებულია.

ერთ-ერთი მგზავრის თქმით, ადგილზე ამბობენ, რომ მატარებელს არ მიეწოდება ელექტროენერგია და სავარაუდოდ, საღამომდე არ აღდგება დენის მიწოდება.

ამავე მგზავრის ინფორმაციით, მათ უთხრეს, რომ ბილეთები დააბრუნონ: „მოვითხოვეთ ავტობუსები გამოეძახათ, რადგანაც წესდებაში უწერიათ, რომ მათ უნდა უზრუნველყონ გადაადგილება, თუმცა ამ დრომდე არაფერს გვეუბნებიან“.

ზოგიერთ მგზავრს ქობულეთის სალაროში ბილეთის საფასური აუნაზღაურეს, ზოგიერთს კი უთხრეს, რომ თანხა სალაროში აღარ არის და თბილისში ან ბათუმში მიიღებენ.

„ბათუმელები“ დაუკავშირდა „საქართველოს რკინიგზას“. ინფორმაციას პასუხის მიღებისთანავე განვაახლებთ.

ქობულეთის სადგური.

ქობულეთის სადგური.

გადაბეჭდვის წესი


ასევე: