აჭარას ახალი, გოდერძის წრიული ველომარშრუტი შეემატა.
აჭარის ტურიზმისა და კურორტების დეპარტამენტის ცნობით, 24-კილომეტრიანი მარშრუტი, რომლის მარკირებაც წელს განხორციელდა, გოდერძის უღელტეხილიდან იწყება და გოდერძიდან მწვანე ტბამდე, რიყეთისა და ლოდიძირის იალაღებში გადის.
მარშრუტის პირველი გაჩერება მწვანე ტბაა, სადაც მოგზაურებს პიკნიკი, ნავით ტბაზე გასეირნება შეუძლიათ.
მწვანე ტბის შემდეგ ველომარშრუტი შავი ტბისკენ გრძელდება. ტყის სიმწვანეში ჩაფლული შავი ტბა ზღვის დონიდან 1900 მეტრზე მდებარეობს. ტბა გარშემორტყმულია ალპური ტყით და ჭაობისათვის დამახასიათებელი მცენარეებით.
შავი ტბის შემდეგ ველომარშრუტი ისევ გოდერძის უღელტეხილზე ბრუნდება.
ფოტო: აჭარის ტურიზმისა და კურორტების დეპარტამენტი
ამავე თემაზე:
ხულოს სოფელ ჩაოში 166 ათას ლარად გადმოსახედი – ახალი ტურისტული ადგილი მოეწყობა
