დღეს, პირველ ოქტომბერს, დილას, აფეთქებების ხმა გაისმა რუსეთის ორ ქალაქში – სოჭსა და სმოლენსკში.
უკრაინული გამოცემის, „უკრაინსკა პრავდას“ ცნობით, დღეს, დაახლოებით დილის 8:30 საათზე, სოჭში უკრაინული დრონები რუსული ვერტმფრენების სადგურს წარმატებით დაესხნენ თავს. გამოცემის წყაროების თანახმად, თავდასხმის უკან უკრაინის მთავარი სადაზვერვო სამმართველო დგას.
დაახლოებით ამავე დროს დრონები ასევე თავს დაესხნენ რუსეთის ქალაქ სმოლენსკს – რუსული მედიის თანახმად, სამიზნე იყო სმოლენსკის საავიაციო ქარხანა.
რუსეთის თავდაცვის სამინისტრო ირწმუნება, რომ 5 უკრაინული დრონი გაანადგურეს, თუმცა სოციალურ ქსელებში გავრცელებულ ვიდეოში ერთ-ერთი უპილოტო საფრენი აპარატის დაცემის შემდეგ აფეთქებების ხმა ისმის და კვამლი ჩანს.
ამავე დროს, სმოლენსკის მერმა მოსახლეობას სთხოვა, არ დაეტოვებინათ შენობები და თავი შეეკავებინათ ქალაქგარეთ გასვლისგან.
