დიდი ბრიტანეთის თავდაცვის სამინისტროს სადაზვერვო სამსახური დღეს, 30 სექტემბერს, ყოველდღიურ მოკლე ცნობებში რუსეთ-უკრაინის ომის შესახებ, პუტინისა და „ვაგნერის“ ყოფილი ერთ-ერთი ხელმძღვანელის, ანდრეი ტროშევის შეხვედრას ეხმაურება.
დაზვერვა აღნიშნავს, რომ შეხვედრას, რომელზეც პუტინმა ტროშევს ახალი დაჯგუფების შექმნა დაავალა, რუსეთის თავდაცვის მინისტრის მოადგილე იუნუს-ბეკ ევკუროვიც ესწრებოდა.
დიდი ბრიტანეთის დაზვერვა წერს, რომ 2023 წლის ივნისში, პრიგოჟინის აჯანყების დროს, ტროშევი ასრულებდა თავის როლს ოფიციალურ უშიშროების ძალებში, იგი სავარაუდოდ, „ვაგნერის“ პერსონალის წახალისებაში მონაწილეობდა, ხელი მოეწერათ კონტრაქტებზე.
„ვაგნერის“ ბევრი ვეტერანი ტროშევს, სავარაუდოდ, მოღალატედ თვლის – მიიჩნევს დაზვერვა და ასკვნის, რომ ეს შეხვედრა მიუთითებს რუსეთის მიერ მოხალისეების და კერძო სამხედრო კომპანიების გამოყენებაზე და „ვაგნერის“ მომავლის დაგეგმვაზე.
დაზვერვა აღნიშნავს, რომ პუტინი მზადაა გამოიყენოს ვეტერანთა გამოცდილება, რომლებსაც შეუძლიათ სახელმწიფოსადმი ლოიალობის დემონსტრირება, მაგრამ კრემლის მეტი ზედამხედველობით.
ფოტოზე: ანდრეი ტროშევი, „ვაგნერის“ ჯგუფის ყოფილი უფროსი მეთაური. ფოტო: EPA-EFE/MIKHAIL METZEL
ამავე თემაზე:
პუტინი „ვაგნერის“ მეთაურებს შეხვდა და ახალი დაჯგუფების შექმნა განიხილა
