უკრაინის პრეზიდენტი ვოლოდიმირ ზელენსკი აშშ-ში ჩავიდა. ზელენსკიმ გაერო-ს გენერალური ასამბლეის დაწყებამდე ნიუ იორკში მყოფი, დაჭრილი უკრაინელი ჯარისკაცები მოინახულა ჰოსპიტალში, სადაც ისინი რეაბილიტაციას გადიან.
ზელენსკიმ მათ მადლობა გადაუხადა და ჯარისკაცებს, რომელთაგანაც რამდენიმე ეტლშია, რამდენიმე კი კიდურის პროთეზს ატარებს, სიგელები გადასცა.
ამ კვირის ბოლოს ზელენსკი გეგმავს შეხვდეს პრეზიდენტ ჯო ბაიდენს და კონგრესის ლიდერებს ვაშინგტონში, რათა მიიღონ მეტი დახმარება აშშ-სგან.
უკრაინის პრეზიდენტი ხშირად ხვდება ჯარისკაცებს ბრძოლის ველზე და მის მიღმაც, არაერთხელ ჩასულა ფრონტის ყველაზე ცხელ წერტილებში, მაგალითად, ბახმუტში.
ფოტო: ukrinform.ua
ფოტო: ukrinform.ua
