უკრაინის პრეზიდენტი ვოლოდიმირ ზელენსკი ბახმუტში, ომის ყველაზე ცხელ წერტილში ჩავიდა. ამის შესახებ უკრაინული მედია წერს პრეზიდენტის პრესსპიკერზე დაყრდნობით.
„ის ნამდვილად იმყოფებოდა იქ და უკვე უნდა წამოსულიყო. უსაფრთხოების დაცვის გამო კომენტარებისგან ჯერ თავს ვიკავებთ“ – აღნიშნა პრეზიდენტის პრესსპიკერმა სერგეი ნიკიფოროვმა უკრაინულ მედიასთან.
მედიის ცნობით, ბახმუტში ზელენსკი უკრაინელ ჯარისკაცებს შეხვდა და რამდენიმე მათგანს ჯილდო გადასცა. მისი ბახმუტში ვიზიტის შესახებ ინფორმაცია წინასწარ არ იყო ცნობილი.
ზაფხულის ბოლოდან მოყოლებული ქალაქი ბახმუტი ყველაზე ცხელ წერტილად რჩება ფრონტის ხაზზე.
