აბიტურიენტებს, რომლებიც აჭარის რეგიონში არსებულ სკოლებში სწავლობდნენ და უმაღლეს სასწავლებლებში 100%, ასევე 70 % გრანტი მოიპოვეს, აჭარის მთავრობა ფულადი თანხით აჯილდოებს. სტუდენტები 2000 და 1000 ლარს მიიღებენ ჯილდოს სახით.
ამის შესახებ აჭარის მთავრობის თავმჯდომარე თორნიკე რიჟვაძემ დღეს, 10 სექტემბერს ბათუმში, პირველკურსელებთან შეხვედრის დროს განაცხადა.
აჭარის მთავრობის ინფორმაციით, 2023 წელს აჭარის რეგიონიდან 3300-ზე მეტი აბიტურიენტი ჩაირიცხა სხვადასხვა უნივერსიტეტში, მათ შორის, 150 სტუდენტი 100% და 70% გრანტით.
აჭარის მთავრობაში „ბათუმელებს“ განუცხადეს, რომ თანხა სტუდენტებს ჩარიცხვის პროცედურების დასრულების შემდეგ გადაეცემათ.
