ბათუმში 10 წლის ბიჭს ხელში მაშხალა აუფეთქდა. დაშავებული ბავშვის მდგომარეობა მძიმეა.
როგორც „ბათუმელებს“ ინფორმირებულმა პირმა უთხრა, ბავშვმა გადაგდებული მაშხალა იპოვა და ანთების დროს აუფეთქდა ხელში.
აფეთქების შედეგად ბავშვმა მძიმე დაზიანებები მიიღო სახის არეში, ერთი თვალი დაკარგა, მოხერხდება თუ არა მეორე თვალის გადარჩენა, ჯერჯერობით უცნობია.
დღეს 10 წლის ბავშვს კიდევ ერთ ოპერაციას გაუკეთებენ.
დაშავებული ბავშვი თბილისშია გადაყვანილი.
პიროტექნიკის გამოყენების შედეგად ყოველწლიურად ათობით ადამიანი ზიანდება.
შარშან თავად ბავშვებმა მიმართეს პეტიციით აჭარის უმაღლეს საბჭოს პიროტექნიკის აკრძალვაზე.
მოსწავლეები ბათუმში პიროტექნიკაზე წვდომის აკრძალვას ითხოვენ – პეტიცია
___
ამავე თემაზე:
